Боголюбская икона Божьей Матери

Одной из наиболее древних русских икон является чудотворный Боголюбский образ Божьей Матери. Вот уже почти девять столетий православные христиане возносят перед ним молитвы к Небесной Заступнице. Также существует акафист Боголюбской иконе Божией Матери. Чтобы узнать, в каких случаях его читают, ознакомимся с историей происхождения и почитания этой иконы.

История Боголюбского святого образа

Боголюбская богородичная икона была написана в 1157 году по велению князя Андрея Юрьевича Боголюбского. Поводом для её создания послужили чудесные события, произошедшие с правителем двумя годами ранее. Тогда он со всеми своими придворными переезжал из киевских земель в суздальские. В дорогу князь взял древний чудотворный богородичный образ, согласно преданию, написанный ещё апостолом Лукой.

На подъезде к городу Владимир обоз с иконой внезапно остановился – лошадей словно сдерживала невидимая сила. Замена лошадей не исправила ситуацию. Князь Андрей распорядился отслужить молебен Богородице. Затем он продолжил молитву в своём шатре, где сподобился чудесного видения. Явившаяся правителю Дева Мария повелела основать на том месте церковь и монашескую обитель. Древнюю икону следовало оставить во Владимире.

Благочестивый князь исполнил волю Богоматери. Перенесённая икона обрела наименование «Владимирская» – теперь это одна из главных святынь русского Православия. Построенный монастырь князь назвал Боголюбовым, поскольку считал, что Дева Мария возлюбила это место. Тогда же данное прозвище закрепилось и за самим князем. Также в память о чуде для монастыря была написана икона, которую стали именовать Боголюбской. Некоторое время Боголюбская икона Божией Матери хранилась рядом с Владимирским святым образом:

«…тем самым Боголюбская – одна из первых икон, написанных русскими мастерами, – словно бы переняла благодатную силу соседствовавшего с нею прижизненного (письма апостола Луки) образа Пречистой, став своего рода хранителем первых шагов церковной и государственной самостоятельности Северо-Восточной Руси» (из книги «О Тебе радуется!»).

Боголюбов монастырь в последующие века неоднократно подвергался нападениям половцев и татаро-монгол. Однако его главная икона каждый раз оставалась невредимой. Этот святой образ и его списки (копии) прославились чудотворениями. Особенно часто они происходили в периоды эпидемий чумы и холеры. Сегодня оригинал иконы хранится в Успенском монастыре города Владимир.

Боголюбская икона Богоматери: описание и состояние

В живописном исполнении Боголюбского святого образа прослеживается влияние таких богородичных иконографических типов как Агиосоритисса, Одигитрия и Оранта. Вместе с тем икона имеет самобытную композицию. Дева Мария представлена в полный рост, смотрящей на Своего Сына Иисуса Христа, изображённого в небесах в верхнем правом углу иконы.

Правая рука Господа благословляет Матерь, а левая держит свиток (символ Евангелия). Правая рука Девы Марии воздета в молитвенном жесте. В левой же находится раскрытый свиток с молитвой Сыну. Существуют различные варианты текста молитвы, приведём один из них:

«Владыко Многомилостивый, Господи Иисусе Христе, Сыне и Боже Мой, приклони ко Мне ухо Твое, ибо аз молю за мир».

Также на иконе изображается группа стоящих на коленях людей, которые воздевают руки и молятся. В зависимости от копии иконы, это могут быть конкретные святые личности, собирательный образ верующих или же заказчики данного списка. Чаще всего в группе молящихся изображён князь Андрей Боголюбский. Боголюбская икона Девы Марии представляет Её Посредницей между Господом и православными христианами.

Написанный на кипарисовой доске оригинал Боголюбской иконы в течение веков неоднократно поновлялся (реставрировался) непрофессиональными методами. Большая часть первоначального изображения оказалась скрыта под несколькими поздними слоями краски. Также икона долгое время пребывала в неблагоприятных температурно-влажностных условиях. Всё это привело к значительному разрушению изначального живописного слоя святыни. Начиная с первой половины 20 века, над иконой регулярно проводятся реставрационные работы.

Чудеса, связанные с Боголюбской иконой

Боголюбская икона стала символом заступничества Божьей Матери при нападениях врагов и эпидемиях. В середине 13-го века войско хана Батыя сожгло храм Рождества Богородицы, в котором хранился этот святой образ. Святыня чудом осталась невредимой.

Спустя полтора столетия, при нашествии Тамерлана, Боголюбскую и Владимирскую иконы перенесли в Москву. Тамерлан внезапно развернул войско и не стал захватывать столицу. Согласно преданию, он увидел во сне Богоматерь, которая повелела ему уйти из русских земель. Владимирская икона с тех пор хранится в Москве, Боголюбский образ возвращён в родную обитель.

В 70-е годы 18 века в России бушевала чума. Смертельная болезнь охватила и город Владимир. Некоторым его благочестивым жителям Богородица повелела принести в город чудотворную икону из Боголюбского монастыря. Власти Владимира поначалу не решались переносить икону и служить перед ней молебен. Они боялись распространения болезни из-за массового скопления людей. Однако народ видел в заступничестве Богоматери последнюю надежду, и Её повеление всё же было исполнено. Множество горожан получили исцеление, а вскоре эпидемия утихла. Эти чудесные события поразили врача-немца. Вскоре он со всей семьёй перешёл из лютеранства в Православие.

С тех пор Боголюбскую икону ежегодно с крестным ходом переносят из монастыря в город. Во время крестного хода 1877 года селянин Аким Фёдоров приложил ко святыне своего сына, который не мог ходить. Мальчик сразу же исцелился. Этот чудесный случай был задокументирован с подписями очевидцев в одной из владимирских церковных газет.

Акафист Боголюбской иконе Божией Матери

Акафист – жанр церковной гимнографии, произведения которого торжественно восхваляют ту или иную священную личность. Понятие «акафист» пришло из греческого языка и переводится как «неседальный». Таким образом, данные песнопения принято исполнять и слушать стоя. Все они имеют общую структуру.

Как и любой другой, акафист Боголюбской иконе состоит из 25 песен. 13 из них являются кондаками, выполняющими роль зачинов. Остальные 12 песен называются икосами. Это объёмные произведения, развивающие тему кондака. Каждый икос содержит 12 хайретизмов – восхвалений Пресвятой Богородицы.

Акафист в честь Боголюбской иконы можно читать, чтобы радостно прославить Богородицу. Например, в день празднования этого святого образа – 1 июля. Также к акафисту можно прибегать для выражения различных просьб к Деве Марии. Боголюбская икона Божией Матери – в чём помогает? Традиционно перед этим образом Богородицу просят об исцелении от телесных и душевных недугов, о помощи в скорбях, о мире и урожае. Также перед этой иконой молятся о благополучии детей и путешествующих.

Тропарь и кондак в честь иконы Божьей Матери «Боголюбская»

Тропарь, глас 1

Боголюбивая Царице,/ Неискусомужная Дево, Богородице Марие,/ моли за ны Тебе Возлюбившаго/ и рождшагося от Тебе Сына Твоего, Христа Бога нашего,/ подати нам оставление прегрешений,/ мирови мир, земли плодов изобилие,/ пастырем святыню/ и всему человечу роду спасение./ Грады наша и страны Российския от нахождения иноплеменных заступи/ и от междоусобныя брани сохрани./ О Мати Боголюбивая Дево!/ О Царице Всепетая!/ Ризою Своею покрый нас от всякаго зла,/ от видимых и невидимых враг защити// и спаси души наша.

Кондак, глас 3

Дева днесь предстоит Сыну,/ руце Свои к Нему простирающи,/ святый князь Андрей радуется,/ и с ним Российская страна торжествует,/ нас бо ради молит Богородица// Превечнаго Бога.

Акафист Пресвятой Богородице в честь Её иконы «Боголюбская»

Кондак 1

Взбранной Воеводе, Боголюбивей Царице, превысшей всякаго создания, Деве и Матери Христа Бога, похвальная восписуем Ти раби Твои, Богородице! Ты же, яко Боголюбивая и Всемилостивая Мати, благоизволившая явити пресветлый Свой лик благоверному нашему князю Андрею, от бед и скорбей сохрани ны и храм сей, да зовем Ти:

Радуйся, Боголюбивая Царице Богородице, Надеждо и Прибежище наше.

Икос 1

Ангелов превысшую вся Небесныя Силы величают Тя, Богородицу Царицу, мы же грешнии на земли, чудному Божию о Тебе смотрению дивящеся, всею душею, сердцем и устнами дерзаем глаголати:

Радуйся, Благословенная в женах Дево Благодатная;

радуйся, Всевышняго Мати, Духа Святаго пребывание.

Радуйся, Царице Небесе и земли и всех Небесных Сил высшая;

радуйся, Ангелы чтимая, от Серафим воспеваемая.

Радуйся, благословляемая на Небеси и славимая на земли;

радуйся, воистину Присноблаженная и Пренепорочная.

Радуйся, Боголюбивая Царице Богородице, Надеждо и Прибежище наше.

Кондак 2

Видящи Премилосердная Матерь Божия земное скорбное житие наше, немощи и болезни, благоизволи явити чудо, избрав сосуд благодати и милостей Своих к нам, благочестиваго князя Андрея. Обаче и мы с радостию несказанною припадаем к Тебе, Владычице, и из глубины души благодарим Тя, нашу дивную Заступницу, воспевающе Богу: Аллилуиа.

Икос 2

Разумети хотя чудо, явленное милостию Твоею, Пресвятая Богородице, егда кони, везшии святый образ, сташа, и людие к шествию подвигнути их не возмогоша, благоверный князь Андрей начат со слезами молитися к Тебе, Владычице, да покажеши, Пречистая, волю святую Свою; Ты же в видении благоволила еси открыти преблагий совет Твой. Темже и мы, чудо сие воспоминающе, преклоньше колена, взываем сице:

Радуйся, прославившая место обители Твоея дивным чудодействием и в сем милость преизобильную нам показавшая;

радуйся, страну Владимирскую светом Своим озарившая и лучи света на всех нас простирающая.

Радуйся, Всеблагая наша Наставнице, любовию нас привлекающая;

радуйся, Охранительнице наша от бед и болезней.

Радуйся, у Господа спасения нашего Ходатаице, Царице наша Небесная;

радуйся, за вся благодеяния Твоя благодарению нас научающая.

Радуйся, Боголюбивая Царице Богородице, Надеждо и Прибежище наше.

Кондак 3

Сила Вышняго осеняет всех, с верою и благоговением притекающих к Тебе, Пречистая Госпоже Богородице, и уповающих на Твою милость, понеже всякое благое прошение приемлеши тепле. Благоверный князь моляше Тя, Владычице, явити волю Твою, преисполнився трепета пред таинством Твоего произволения. Такожде и мы к Тебе, Пречистая, прибегаем, умиленно вопиюще: Всемилостивая Покровительнице наша, научи и нас прославляти всечестное и всехвальное имя Твое и достойно воспевати Богу: Аллилуиа.

Икос 3

Имеяй на пути, яко Боготечную звезду, честный образ Твой, Владычице, благоверный князь в прилежней молитве своей пред чудотворною Твоею иконою сподобися яве узрети Тя, Царицу Небесную, теплое ходатайство Твое Богу приносящую о месте явления Твоего и о всем мире. О Божия Мати, Пречистая Богородице! Со умилением припадаем к Тебе и, богатыя Твоея милости ожидающе, умильно вопием Ти:

Радуйся, Радосте наша и крепкая Заступнице;

радуйся, Покрове наш и наше Утешение.

Радуйся, Охранительнице наша и наше Упование;

радуйся, Отрадо наша и дивное о нас попечение.

Радуйся, Похвало наша, чудесы нас удивляющая;

радуйся, Прибежище наше и залог вечнаго спасения.

Радуйся, Боголюбивая Царице Богородице, Надеждо и Прибежище наше.

Кондак 4

Недоумевает ум наш, како достойно есть восхвалити Тя и дивное явление Твое, Пресвятая Владычице: яко солнце лучи испущающи, предстала еси молящемуся князю и тако рекла еси: «Не хощу, да образ Мой несеши в Ростов, но во Владимире постави Его; на сем месте во имя Моего Рождества церковь воздвигни и обиталище иноком состави», и, воздевши Свои Божественнеи руце ко Владычнему образу, скрыся от духовных очес его. Преклоняем и мы колена пред Тобою, Боголюбивая Мати, и Твоя чудная явления и веления разумеюще из глубины души воспеваем Богу: Аллилуиа.

Икос 4

Слыша Господь моления Твоя, Богоизбранная Царице Небесная, обеща выну исполнити, яко Преблагия Матере, прошения Твоя. Ты же, о Владычице, тогда рекла еси ко Господу усты Своими: «Владыко Многомилостиве, Господи, Иисусе Христе, Сыне и Боже Мой, молю Тя, да пребудет Божественная благодать на людех Твоих, и светозарный луч славы Твоея да нисходит всегда на место сие, Мною избранное». Истинно исповедуем, о Пречистая, яко скоро помогаеши с верою к Тебе прибегающим, и, со умилением воспевающе Тебе, зовем сице:

Радуйся, Молитвеннице наша пред Господем и Сыном Твоим;

радуйся, Заступнице всего рода человеческаго и Защитнице народа православнаго.

Радуйся, Матернюю любовь Твою всегда нам являющая и вся благая нам дарующая;

радуйся, радости нам, благодати же и славы вечная Ходатаице, дивная наша Утешительнице.

Радуйся, бытие обители и ниспослание на ню благодати предвозвестившая;

радуйся, в память Твоего явления храм во славу Рождества Твоего устроити указавшая и тамо Церкви Христовой дивное украшение явившая.

Радуйся, Боголюбивая Царице Богородице, Надеждо и Прибежище наше.

Кондак 5

Яко лучезарную звезду, в пределах Владимирских явленную, узре князь Андрей Пресветлый образ Твой, Владычице, и в явлении сем уразумев знамение велия попечения Божия о месте явления Твоего, даде ему имя Боголюбивое. О Царице и Владычице! Освети и нас светом Твоим Небесным, сохраняющи нас под кровом Твоим благим, услыши всеумиленныя молитвы восхваляющих Тя и воспевающих Богу: Аллилуиа.

Икос 5

Видение чудное Богоматере и святыя словеса Ея приемля с радостным трепетом, благоверный князь умиленно со слезами паде на землю и сладостно возблагодари Всевышняго, яко сподобися узрети Тя, Пресвятую Богородицу. Посем ускори церковь заложити, идеже ныне Боголюбивая обитель, именем Твоим красующися, молится за весь мир пред пречистым Твоим образом. Созерцающе в таковом сбытии знамение благодати, дерзаем воспевати сице:

Радуйся, Милостивая, яко устроила еси тихое пристанище ищущим спасения;

радуйся, Пресветлая, яко свет подаваеши всем хотящим жити в преподобии и тем показуеши правыя стези к Царствию Небесному.

Радуйся, теплая Ходатаице о живущих в обителех Твоих, милость Свою выну им обещавшая;

радуйся, яко в трудех иноческих им всегда помогаеши и к трудолюбию подвизаеши.

Радуйся, яко в келлиях монашеских на молитву вразумляеши и к добродетельному житию ревностно возбуждаеши;

радуйся, Хранительнице дивная обителей святых, яко Твоею благодатною силою оныя зиждятся и преспевают в благочестии.

Радуйся, Боголюбивая Царице Богородице, Надеждо и Прибежище наше.

Кондак 6

Проповедует вся земля Российская богатыя милости Твоя, Владычице, и дивное благодатное князя Андрея вразумление. Сему последуя, благоверный князь повеле образ написати тем подобием, якоже ему явися Пречистая, и, обрет святую икону, поклонися, радостно со слезами благодаря Бога и скорую нашу Помощницу, взывая: Аллилуиа.

Икос 6

Возсия благодать неизреченная от цельбоносныя иконы Твоея, Пресвятая и Боголюбивая Мати. Слышим и видим величие чудес, от нея бываемое, со удивлением взираем на сию икону, яко на Пресветлое лице Самой Пречистыя Девы. О Госпоже, Царице и Владычице! Ты выну воздвизаеши руце Твои на моление за нас пред Сыном Твоим, не презри и вопиющих Ти похвальная сия:

Радуйся, во утешение нам даровавшая образ Твой чудотворный;

радуйся, новую милость и новую благодать сим в Церкви являющая и тем путь спасения показующая.

Радуйся, Покровительнице наша, от бед нас спасающая и в скорбех быстрое облегчение нам посылающая;

радуйся, сострадательнейшая к болезнем нашим, скорую помощь нам подающая.

Радуйся, Боголюбивая Царице Богородице, Надеждо и Прибежище наше.

Кондак 7

Хотя благоверный князь достойно почтити пресвятую волю Твою, Владычице, собра архиереи, священники и людей множество, да ублажат Тя хвалебно собором. О чуднаго торжества! О премудрости судеб Твоих, Владычице! Преславно преносится чудотворная Твоя икона в дивный храм всечестнаго Рождества Твоего. Чудодействием прославляется церковь Твоя, о Госпоже Богородице, и вси предстоящии, радости и умиления исполнении, прекдоньше колена, целуют Твой пречистый образ и взывают: О, Мати Боголюбивая, осени всесильною Твоею десницею и нас, воспевающих Богу: Аллилуиа.

Икос 7

Дивна дела Твоя, Владычице! Вси людие, здравии и болящии, богатии и нищии, вси прибегаем к Тебе, сострадательнейшей Матери нашей. Не отрини нас от лица Твоего, буди милостива к нам, недостойным рабом Твоим, во всех путех жизни нашея, защити и помилуй от всея души любовию вопиющих Тебе таковая:

Радуйся, ненадеющихся надеяние и печальных утешение;

радуйся, о скорбящих попечение и бедствующим помоще.

Радуйся, алчущих Кормительнице и нищих одеяние;

радуйся, убогих Заступнице и болящих исцеление.

Радуйся, старцев Покровительнице и юных Воспитательнице;

радуйся, враждующих примирение и обидимых Защитнице.

Радуйся, Боголюбивая Царице Богородице, Надеждо и Прибежище наше.

Кондак 8

Дивное чудо пренесения преславныя иконы Твоея, Владычице, торжественно вси чествуем и на всякое лето в сей светлый праздник благодарне воспоминаем вся неизчетная благодеяния чудес, Тобою, Пречистая, от иконы дивно источаемых; и тя, угодниче Божий Леонтие, в помощь призываем, чтуще с любовию честную память твою, да молитвами твоими сподобимся у Пречистыя обрести благодать, еще же непрестанно воспевати Господу: Аллилуиа.

Икос 8

Все величие чудес Твоих, Пречистая, несть исчислити возможно, егда безбожный царь Батый, разоряя грады и веси и храмы сожигая, со многою ратию приблизися и ко святей обители Твоей, Пречистая, вниде в церковь и, обрет чудотворную икону, дерзостно положи руку на драгая ризы, храм со всем богатством огню предаде, точию един образ Твой, Владычице, цел обретеся и ничимже поврежден бысть. О велие чудо! О, коль дивны знамения благодати являеши нам, Пречистая! Кто не ублажит Тя? Кто не воспоет Твоя славная чудеса? И мы, грешнии, со умилением взирающе на святую икону Твою, толь чудесно от погибельнаго пламене сохраншуюся, со слезами взываем сице:

Радуйся, яко купина, огнем горевшая и неопальна пребывшая;

радуйся, яко благодать Тебе дадеся силу огненную угашати.

Радуйся, в годину напастей и испытаний оставльшая нам святую икону Свою во утешение;

радуйся, яко благостынею Своею угашаеши в нас огнь нечестия пламенем огня Божественнаго.

Радуйся, прославившая чудесы икону Твою;

радуйся, яко молитвою и лобызанием иконы Твоея вси мы приемлем благодатное утешение.

Радуйся, Боголюбивая Царице Богородице, Надеждо и Прибежище наше.

Кондак 9

Все упование возлагаем на Твою благость, Пресвятая Владычице! Милосердию Твоему несть конца, величие же Твое кто исповесть? Предстоящи с мольбою у Престола Всевышняго, коль многое множество чудес являла еси нам, Пречистая, коль дивно спасла еси славный град Москву от грознаго врага Тамерлана, коль чудно объят его великий страх пришествием Твоим в матерь русских градов и понуди абие отступити со всем воинством. Не умолчим никогда, Заступнице наша Преславная, о всех Твоих благодеяниих, да не будет под спудом свет чудес Твоих. И ныне, предстояще пред Пречистым Твоим образом и молящеся умиленною душею и сокрушенным сердцем, взываем Богу: Аллилуиа.

Икос 9

Витии многовещаннии не довлеют по достоянию воспети хвалу и благодарение Пречистей, како царственный град сохрани от татарских полчищ. Егда вся рать вражия отступаше от предел Московских, царь Иоанн со скорбию и слезами отпусти чудотворный образ Твой, Боголюбивая Владычице, в избранную обитель Твою, идеже со умилением и радостию неизреченною сретоша его людие, и от мала до велика, вси, преклоньше колена, ублажаху Тя, Пречистая. И мы, сея радости мысленне причащающеся, Царице Небесней вопием благодарне:

Радуйся, премилосердая Утешительнице наша, святую икону дати нам изволившая;

радуйся, от нашествия врагов иноплеменных нас дивно спасшая.

Радуйся, царей наших несокрушимый щите;

радуйся, отечества нашего благонадежное утверждение.

Радуйся, воинства крепкая защито, от меча вражия сохраняющая;

радуйся, от разорения, плена и лютыя смерти святою десницею Твоею всех уповающих на Тя избавляющая.

Радуйся, Боголюбивая Царице Богородице, Надеждо и Прибежище наше.

Кондак 10

Спасти хотя свою душу, благочестивый царь Феодор, любовию божественною разжигаем, добре подвизася, пребывая в посте и молитве, и, вельми любя Боголюбивую обитель, часто ю посещаше. Единожды же с теплою молитвою пред чудотворною Твоею иконою, Боголюбивая Мати, от усердия своего в дар Тебе принесе носимый на персех своих честный крест, каменьми драгими украшенный. Взирающе на сие дивное украшение иконы Твоея, о Пречистая, радуемся вси духовно о сем, како Тя, Царицу и Владычицу, славят и чтут вси вернии, и молящеся вопием Богу: Аллилуиа.

Икос 10

Стена, ограждающая ны от всяких болезней, бываеши Пресвятая Богородице, егда со умиленною молитвою призываем в помощь нашу Твое Матернее милосердие. Аще бо Ты не бы предстояла, Боголюбивая Мати, молящи о нас, кто бы нас избавил от смертоносных ран и язв всегубительных! Со умилением созерцаем, како на пути благодатнаго шествия Твоего вси болящии чудесно исцеляхуся и струпи на телесех во мгновение ока врачевахуся. Темже и мы, припадающе к цельбоносней иконе Твоей, молим Тя, Владычице: не остави ны милостию Твоею пребогатою, избави ны от всяких болезней, наипаче же от смертоносныя язвы и пагубы. О Пресвятая Богородице! Благоспешно спаси нас и помилуй с верою и любовию вопиющих Ти из глубины души:

Радуйся, страны нашея православныя дивная Покровительнице, многажды от бед и напастей ю избавлявшая;

радуйся, страдальцев благодатным утешением венчающая и разслабленным скорое возставление дающая.

Радуйся, слепым прозрение и хромым от недуга их дивное избавление даровавшая;

радуйся, пораженных различными недугами и болезньми чудесно исцеляющая.

Радуйся, скорбящих родителей в лишении чад их утешающая благодатною Твоею помощию;

радуйся, Целительнице наша в страданиих телесных и благая Утешительнице в печалех наших душевных.

Радуйся, Боголюбивая Царице Богородице, Надеждо и Прибежище наше.

Кондак 11

Пение благодарственное всеумиленно приносит Тебе, Боголюбивая Мати, вся страна Российская за чудное избавление от смертоносныя язвы, толь гибельно ю поразившия. Светлии дни дивных исцелений начертаны на сердцах верующих, и моления теплыя возносятся на всякое лето в память сего радостнаго торжества, егда святая икона Твоя, Владычице, с пении духовными приносится в славный град Владимир. Красуйся и ликуй, благословенный граде! Торжествуйте, правовернии, зряще несомую икону Владычицы, источающую неизчетныя исцеления всем притекающым к ней с верою и любовию! Преклоняем и мы колена пред Тобою, Пресвятая Богородице, величаем Тя и молим: приими милостивно и от нас жертву хвалы и прославления, приносимую Тебе от недостойных раб Твоих, вопиющих Богу: Аллилуиа.

Икос 11

Светозарную икону Твою, Боголюбивая Мати, с благоговением зрим в Божественных храмех Твоих, радующеся. Кто не прибегаше к Тебе, Владычице? Кто не покланяшеся, кто не лобызаше Твоя пречистыя стопы? Кто не умоляше Тя, Заступницу нашу? О Пресвятая Дево, приими веру и усердие наше, направи путь наш на стези истины, умоли Господа и Сына Твоего, да спасет нас, имиже весть судьбами, да не погибнем в нераскаянии о наших грехопадениих, и услыши моления к Тебе взывающих:

Радуйся, Благодатная, всеми добродетельми преукрашенная, Своею благодатию нас не оставляющая;

радуйся, Хранительнице наша, в час смертный тьму вражию отгоняющая и по смерти нас упокоевающая.

Радуйся, Милостивая, милость Свою нам являющая в день испытания, воньже открыются дела наша, добрая же и злая;

радуйся, Милосердая, заступление нам посылающая и тем в будущем вечныя радости сподобляющая.

Радуйся, Боголюбивая Царице Богородице, Надеждо и Прибежище наше.

Кондак 12

Благодатию Божественною осеняема, святаго Иоанна Предтечу с лики Архангел зрим стоящия окрест Пречистыя Матере Боголюбивыя, вкупе же ублажаем и тя, угодниче Божий. Помози нам, немощным, имети веру непоколебиму, ум чист, силы и произволение освящати души наша постом и молитвою и выну полагати хранение устом нашим, да молитвами Владычицы и твоими сподобимся достойно воспети Богу нашему: Аллилуиа.

Икос 12

Поюще неисчетная знамения и чудеса Твоя, Пресвятая Богородице, умиленно припадаем к пречистому образу Твоему, Боголюбивая Мати, лобызающе его со страхом и трепетом, хвалим Тя яко неисчерпаемый источник благодати, и молим: буди Ходатаица о нас, воздвигни руце к Сыну Твоему, да выну в жизни сей и в будущей милосердие Его неотступно будет от нас, взывающих Тебе:

Радуйся, Присноблаженная, паче земнородных ведущая блаженство пребывати с Богом;

радуйся, и нас причастники сего блаженства соделывающая.

Радуйся, Пренепорочная Дево, всецело стяжавшая чистоту, смирение и непорочность;

радуйся, дарующая нам благая сия, да будем угодны Тебе и Богу.

Радуйся, Всемилостивая Царице, простирающая на нас, грешных, милость Свою во всякое время живота нашего;

радуйся, чадолюбивая Мати, дарующая нам Свое Матернее заступление в час смерти.

Радуйся, Боголюбивая Царице Богородице, Надеждо и Прибежище наше.

Кондак 13

О Мати Боголюбивая, Царице Небесная, Всемощная наша Предстательнице! Малыя сия услышавши смиренныя мольбы наша, призри на ны милостивым Твоим оком; буди нам скорая Заступница в день кончины нашея и в час смертный явися нам Сама, Пречистая, простирающи руку помощи, отгоняющи духов злобы, ищущих поглотити душу нашу при разлучении от тела, и сподоби нас в будущей жизни в веселии и радовании возвеличити и прославити Тя, яко Преблагую Покровительницу нашу, да спасеннии Тобою, в безконечнем веце вопием Богу: Аллилуиа.

Этот кондак читается трижды, затем икос 1-й «Ангелов превысшую…» и кондак 1-й «Взбранной Воеводе…».

Молитва

О Пречистая Госпоже Богородице, Мати Боголюбивая, надеждо нашего спасения! Воззри милостивно на предстоящия с верою и любовию и покланяющияся пречистому образу Твоему, приими наше хвалебное пение сие и пролей теплую Твою молитву о нас, грешных, ко Господу, да, презрев вся наша согрешения, спасет и помилует нас.

О Предивная Владычице! покажи на нас чудныя милости Твоя: избави нас от всякия скорби, настави на путь всякия добродетели и благостыни, спаси от искушений, бед и болезней, изми от нас оклеветания и ссоры, сохрани от молниеноснаго грома, от запаления огненнаго, от глада, труса, потопа и смертоносныя язвы, подай нам Свою милостивую помощь на пути, в мори и на суше, да не погибнем люте.

О Всемилостивая Боголюбивая Мати, с твердым упованием возсылаем к Тебе нашу убогую молитву! Не отрини наших слез и воздыханий, не забуди нас во вся дни живота нашего, но всегда пребывай с нами и Твоим заступлением и ходатайством у Господа подаждь нам отраду, утешение, защиту и помощь, да выну славим и величаем преблагословенное и всепетое имя Твое. Аминь.