Среди многочисленных православных образов Приснодевы Марии выделяются иконы с символическими изображениями. Один из таких — образ, именуемый Семистрельным. На нем Богоматерь изображена одна, без Богомладенца, ее грудь пронзают семь стрел (или мечей). В схожем виде Божия Матерь изображена на иконе «Умягчение злых сердец» (называемая также «Симеоново проречение»). Празднование этих образов Пресвятой Девы Марии приходится на один день — 26 августа по новому стилю. Примечательно, что для них сложилась единая молитвенная практика — один общий акафист Семистрельной иконе Божией Матери и Ее образу «Умягчение злых сердец».
Акафист представляет собой благодарственно-хвалебное пение. Это особый жанр моления, первоначально предназначавшийся только Богородице. Появился он в 6 веке в Византийской империи. С 13 века в подобном жанре христианскими поэтами и богословами были составлены хвалительные песнопения Господу, святым, Небесному воинству, различным иконам и праздникам Богоматери.
Особенностью акафистов является определенная структура: 13 кондаков и 12 икосов, чередующихся между собой. В кондаке раскрывается тема отмечаемого события, в конце всегда стоит хвалебный возглас «Аллилуйя» (на еврейском — «хвалите Бога»). Раскрытие темы кондака происходит в икосе, где за небольшим вступительным текстом идут 12 хайретизмов (приветствий) «Радуйся». Само название «акафист» (с греческого — «неседальный») указывает на исполнение этого хвалебного гимна стоя.
На русских землях данный вид моления появился в начале 10 века. Сначала это были переводные акафисты. Первые акафисты на церковнославянском — Акафисты Пресладкому имени Иисусову и Иоанну Крестителю, вошедшие в сборник «Малая подорожная книжка» белорусского первопечатника Франциска Скорина (1470-1551/1552).
Начиная с 17 столетия в России и по настоящее время составлено множество новых акафистов. Следует заметить, что у акафистов византийского периода преобладал догматический (богословский) смысл. «Русские» же акафисты отличаются преимущественно хвалебным характером, что способствовало их широкому распространению среди верующих.
«Как песнь, проникнутая духом бодрости и радости, акафист привлекателен для всякой молитвенно настроенной души… В каждом акафисте… найдется несколько сильных выражений, вылившихся из глубины сердца автора, и они благодатным лучом западут в глубину сердца молящихся, особенно — жаждущих ободрения и утешения» (доктор богословия, профессор Попов Алексей Васильевич, 1856-1909).
В 14-16 веках чтение акафистов входило в монашеское молитвенное правило. Среди мирян подобные хвалебные пения нашли широкое применение с конца 19 века и получили наибольшее распространение в советское время. Чтение обязательных (утренних и вечерних) молитв не могло полностью удовлетворить духовные потребности православных мирян. Постепенно некоторые христиане стали прибавлять к обязательным молитвам похвалу Спасителю, Богоматери или святым. Эту функцию выполняет акафист.
В современной церковной практике хвалебные гимны продолжают играть значительную роль в молитвенном подвиге христиан. За эмоциональную насыщенность текстов (многократное воззвание «радуйся») акафисты особо любимы в народе. При этом чтение акафистов занимает немного времени (в среднем 10-15 минут). Поэтому верующие способны найти в течение дня момент, чтобы прочитать акафист, получив при этом несомненную духовную пользу.
В православных кругах бытует два мнения относительно широкого распространения чтения акафистов. Одни богословы признают акафист необходимым в богослужебной жизни, способствующим единению людей в молитвенном совместном пении. Другие же, наоборот, опасаются, что акафисты вытеснят все прочие виды молитвенных воззваний(например, каноны).
«Сегодняшним совершителям богослужения надо достаточно серьезно подойти к сложившейся «акафистной» проблеме, для того, чтобы, с одной стороны, придерживаться требований Устава, а с другой стороны не разрушать установившуюся веками практику благочестия. Главным регулятором отношения к акафистам, наводнившим наше богослужение, должно стать чувство меры и литургический вкус. Ни в коем случае не следует допускать замену акафистом уставных частей богослужения — кафизм, канонов, а иногда и всей утрени, как это часто практикуется сейчас в приходском богослужении… Акафисты допустимы тогда, когда они не входят в острое противоречие с Уставом и приносят ожидаемую духовную пользу» (протоиерей Андрей Николаиди).
Предание гласит, что в 18 столетии заболевшему вологодскому крестьянину в сонном видении явилась Богоматерь и повелела отыскать Ее образ, к тому времени позабытый. Искомую икону обнаружили на колокольне церкви во имя Иоанна Богослова недалеко от Вологды. Икона использовалась в качестве доски в полу, лицевой стороной вниз. Образ очистили, отслужили перед ним молебен, после которого вологодский крестьянин исцелился.
Почитание Семистрельной иконы усилилось в 1830 году. Это было связано с прекращением эпидемии холеры в окрестностях Вологды после крестного хода с данным образом Божьей Матери. К этому времени относится написание списков (копий) Семистрельного образа. Сегодня местонахождение подлинной Семистрельной иконы неизвестно, она считается пропавшей в годы революции.
Иконографически схож с Семистрельной иконой Богоматери образ «Умягчение злых сердец». В обоих случаях Приснодева Мария представлена без Христа. Ее голова чуть наклонена в сторону, глаза опущены вниз. Сердце Богоматери пронзено семью стрелами (мечами). Сюжет, который лег в основу написания такого типа иконы, описан в Евангелии от Луки (2:27-35). Следуя иудейскому установлению — при рождении ребенка мужского пола приносить в Иерусалимский храм жертву Богу, — Иосиф Обручник и Богоматерь с младенцем Иисусом пришли в Иерусалим. Праведный Симеон Богоприимец, встретивший их в храме, предсказал спасение многих людей через веру в Иисуса. А Деве Марии старец предрек скорбь и горе, которые пронзят Ее материнское сердце во время страданий Сына.
Отличить Семистрельную икону можно по направлению стрел (мечей): 3 с одной стороны и 4 с другой стороны. На иконе «Умягчение злых сердец» одна стрела (меч) обращена вниз, по бокам расположено по три.
Различия можно найти и в иконографическим стиле (заметном, правда, только для профессионалов). Семистрельная икона написана в северорусской традиции, а «Умягчение злых сердец» в юго-западной. Наиболее ярким признаком северного происхождения иконы является набор красочных пигментов для живописи (например, для фона использовался необычный розоватый цвет на основе пигмента местного происхождения). Северные иконы также отличаются светлым колоритом, плавным рисунком и преобладанием строгих геометрических орнаментов. Юго-западный иконографический стиль отличается строгостью лица Богоматери. Фон иконы — золотой, что символизирует божественный свет.
Общим для Семистрельной иконы и образа «Умягчение злых сердец» является изображение семи стрел (мечей). Согласно Священному Писанию (Книга Бытия, 4:24; Евангелие от Матфея, 18:21-22), число «7» означает избыточность, полноту чего-либо. В этом смысле, 7 стрел — полнота страданий Богоматери за Христа.
Избра́нной Де́ве Мари́и, превы́сшей всех дще́рей земли́, Матери Сы́на Бо́жия, Е́юже дае́тся спасе́ние ми́ра, со умиле́нием взыва́ем: воззри́ на многоско́рбное житие́ на́ше, воспомяни́ ско́рби и боле́зни, я́же претерпе́ла еси́, я́ко на́ша земноро́дная, и сотвори́ с на́ми по милосе́рдию Твоему́, да зове́м Ти:
Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.
А́нгел возвести́ па́стырем вифлее́мстим о Рождестве́ Спаси́теля ми́ра, и с ним мно́жество во́ев небе́сных восхваля́ху Бо́га, пою́ще: «Сла́ва в вы́шних Бо́гу, и на земли́ мир, в челове́цех благоволе́ние». Ты же, Ма́ти Бо́жия, не име́вши где главу́ преклони́ти, зане́ не бе ме́ста во оби́телех, родила́ Сы́на Своего́ Пе́рвенца в верте́пе, и пови́ла Его́ пелена́ми, и положи́ла Его́ в я́слех. Те́мже, скорбь се́рдца Твоего́ ве́дуще, вопие́м Ти:
Ра́дуйся, дыха́нием Свои́м Сы́на Своего́ возлю́бленнаго согре́вшая; ра́дуйся, Преве́чнаго Младе́нца пелена́ми пови́вшая.
Ра́дуйся, Носи́теля вселе́нныя мле́ком Свои́м пита́вшая; ра́дуйся, верте́п в не́бо обрати́вшая.
Ра́дуйся, престо́л херуви́мский соде́лавшаяся; ра́дуйся, в рождестве́ и по рождестве́ Де́ва пребы́вшая.
Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.
Ви́дяще Преве́чнаго Младе́нца пови́та лежа́ща в я́слех, прише́дше, поклони́шася Ему́ па́стыри вифлее́мстии и глаго́лаша рече́нное им а́нгелы о Отроча́ти. Мариа́м же соблюда́ше вся глаго́лы сия́ в се́рдце Свое́м. По проше́ствии же осьми́ дней обре́зан бе Иису́с по зако́ну Изра́илеву, я́ко Челове́к. Воспева́юще смире́ние и терпе́ние Твое́, Богоро́дице, пое́м Ве́чному Бо́гу: Аллилу́иа.
Ра́зум иму́ще в Бо́зе утвержде́нный и соблюда́юще Зако́н Госпо́день, в четыредеся́тый день, егда́ испо́лнишася дни́е очище́ния, вознесо́ста Иису́са во Иерусали́м роди́телие Его́, е́же поста́вити Его́ пред Го́сподем и да́ти за Него́ же́ртву по рече́нному в Зако́не Госпо́днем; мы же вопие́м Богоро́дице си́це:
Ра́дуйся, Созда́теля вселе́нныя во исполне́ние Зако́на в храм Иерусали́мский прине́сшая; ра́дуйся, та́мо ста́рцем Симео́ном ра́достно сре́тенная.
Ра́дуйся, Еди́на Чи́стая и Благослове́нная в жена́х; ра́дуйся, крест Твой, скорбьми́ преукраше́нный, во смире́нии не́сшая.
Ра́дуйся, во́лю Бо́жию николи́же преслу́шавшая; ра́дуйся, о́браз терпе́ния и смире́ния нам Собо́ю яви́вшая.
Ра́дуйся, сосу́де, испо́лненный благода́ти Ду́ха Свята́го; ра́дуйся, ро́ждшая Сы́на Единоро́днаго Отца́ Небе́снаго.
Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.
Си́лою свы́ше укрепля́ема была́ еси́, Ма́ти Бо́жия, егда́ услы́шала еси́ словеса́ праведнаго ста́рца Симео́на: «Се, лежи́т Сей на паде́ние и на воста́ние мно́гим во Изра́или и в зна́мение пререка́емо, и Тебе́ же Само́й ду́шу про́йдет ору́жие, я́ко да откры́ются от мно́гих серде́ц помышле́ния». Оба́че скорбь ве́лия пронзе́ се́рдце Богоро́дицы, и возопи́ Сия́ Бо́гу: Аллилу́иа.
Име́я тща́ние погуби́ти Отроча́, посла́ И́род изби́ти вся де́ти, су́щия в Вифлее́ме и преде́лех его́, от двою́ ле́ту и нижа́йше, по вре́мени, е́же испыта́ от волхво́в. И се, повеле́нием Бо́жиим, да́нным чрез а́нгела во сне ста́рцу Ио́сифу, бежа́ все Свято́е Семе́йство во Еги́пет и пребы́сть та́мо седмь лет до сме́рти И́рода. Те́мже со умиле́нием воспое́м Ти, Богоро́дице:
Ра́дуйся, всю тесноту́ стра́нствия поне́сшая; ра́дуйся, я́ко вси и́доли падо́ша в стране́ Еги́петстей, не возмо́гше терпе́ти кре́пости Сы́на Твоего́.
Ра́дуйся, с нечести́выми язы́чники пребыва́вшая; ра́дуйся, из Еги́пта с Пе́рвенцем О́троком и Свои́м обру́чником в Назаре́т прише́дшая.
Ра́дуйся, со ста́рцем Ио́сифом древоде́лом в нищете́ жи́вшая; ра́дуйся, все вре́мя Свое́ в труде́х провожда́вшая.
Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.
Бу́ря ско́рби обдержа́ Пречи́стую Ма́терь, егда́ возвраща́ющимася и́ма из Иерусали́ма не обрето́ша в пути́ О́трока Иису́са. Сего́ ра́ди возврати́стася во Иерусали́м, взыска́юще Его́. И бысть по трие́х днех, обрето́ста Его́ в це́ркви, седя́щаго посреде́ учи́телей, и послу́шающаго их, и вопроша́ющаго их. И рече́ к Нему́ Ма́ти Его́: «Ча́до, что сотвори́ на́ма та́ко? Се оте́ц Твой и Аз, боля́ще, иска́хом Тебе́.» И рече́ к ни́ма Иису́с: «Что я́ко иска́сте Мене́? Не ве́сте ли, я́ко в тех, я́же Отца́ Моего́, досто́ит быти Ми?» Ты же, Пречи́стая, соблюда́ла еси́ глаго́лы сия́ в се́рдце Свое́м, вопию́щи Бо́гу: Аллилу́иа.
Услы́шала еси́, Ма́ти Бо́жия, я́ко Иису́с прохожда́ше всю Галиле́ю, уча́ на со́нмищих, пропове́дуя Ева́нгелие Ца́рствия и исцеля́я всяк неду́г и вся́кую я́зю в лю́дех. И изы́де слух о Нем по всей стране́, и приведо́ша к Нему́ вся боля́щия разли́чными неду́ги и страстьми́, одержи́мыя бе́сы и разсла́бленныя, и исцели́ их. Ты же, Ма́ти Бо́жия, ве́дущи проро́чество, скорбя́щи се́рдцем, познава́ла еси́, я́ко вско́ре прии́дет час, егда́ Сын Твой принесе́т Себе́ в же́ртву за грехи́ ми́ра. Те́мже ублажа́ем Тя, многоско́рбная Ма́ти Бо́жия, вопию́ще:
Ра́дуйся, Сы́на Своего́ на служе́ние наро́ду иуде́йскому отда́вшая; ра́дуйся, ско́рбная се́рдцем, но поко́рная во́ли Божией.
Ра́дуйся, мир от пото́па грехо́внаго спа́сшая; ра́дуйся, главу́ дре́вняго зми́я сте́ршая.
Ра́дуйся, Себе́ в же́ртву Бо́гу прине́сшая; ра́дуйся, Госпо́дь с Тобо́ю, Благослове́нная.
Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.
Ца́рствие Бо́жие на земли́ пропове́дуя, облича́ше Иису́с го́рдость фарисе́ев, мне́вших себе́ пра́ведники быти. Те́мже слы́шаще при́тчи Его́, разуме́ша, я́ко о них глаго́лет, и иска́ша взя́ти Его́, но убоя́шася наро́да, поне́же я́ко проро́ка Его́ име́яху; сия́ вся ве́дающи, скорбя́щи Богоро́дица о Сы́не Свое́м возлю́бленнем, страда́ше, да не убию́т Его́, оба́че вопию́ще Бо́гу: Аллилу́иа.
Ви́девше не́ции от иуде́й воскреше́ние Ла́заря, идо́ша к фарисе́ем и реко́ша им, я́же сотвори́ Иису́с; и рече́ им Каиа́фа, архиере́й сый ле́ту тому́: «У́не есть нам, да еди́н челове́к у́мрет за лю́ди, а не весь наро́д поги́бнет». И от сего́ дне совеща́ша, да убию́т Его́. Мы же вопие́м Ти, Пречи́стая:
Ра́дуйся, Спаси́теля ми́ра ро́ждшая; ра́дуйся, спасе́ния на́шего глави́зно.
Ра́дуйся, от рожде́ния в Ма́терь Спа́су на́шему предызбра́нная; ра́дуйся, Ма́ти Бо́жия, обрече́нная на страда́ние.
Ра́дуйся, Благослове́нная, Цари́ца Небе́сная соде́лавшаяся; ра́дуйся, вы́ну за ны моля́щаяся.
Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.
Пре́жде пропове́дник сло́ва Бо́жия, последи́ же преда́тель, Иу́да Искарио́тский, еди́н от обоюна́десяте апо́столов, и́де ко архиере́ом, преда́ти хотя́ Учи́теля своего́; они́ же, слы́шавше, обра́довашася и обеща́ша ему́ сре́бренники да́ти. Ты же, Богома́ти, скорбя́щи о Сы́не Свое́м возлю́бленнем, вопия́ла еси́ го́рце Бо́гу: Аллилу́иа.
Возсия́ла есть после́дняя ве́черя ученико́м Христо́вым, на нейже Учи́тель умы́ но́зе им, о́браз смире́ния показу́я, и рече́ им: «Еди́н от вас преда́ст Мя, яды́й со Мно́ю». Мы же, го́рю Матери Божией сострада́юще, воспева́ем Ей:
Ра́дуйся, Ма́ти Бо́жия, му́кою серде́чною истомле́нная; ра́дуйся, вся претерпе́вшая в юдо́ли сей многоско́рбней.
Ра́дуйся, в моли́тве успокое́ние находи́вшая; ра́дуйся, всех скорбя́щих Ра́досте.
Ра́дуйся, утоле́ние на́ших печа́лей; ра́дуйся, из ти́ны грехо́вныя нас спаса́ющая.
Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.
Хотя́й яви́ти любо́вь Свою́ к ро́ду челове́ческому Госпо́дь наш Иису́с Христо́с на Та́йней ве́чери, благослови́в и преломи́в хлеб, даде́ Свои́м ученико́м и апо́столом, рек: «Приими́те, яди́те, сие́ есть те́ло Мое́» и, прие́м ча́шу и хвалу́ возда́в, даде́ им, глаго́ля: «Сия́ есть кровь Моя́ Но́ваго Заве́та, я́же за мно́гия излива́емая во оставле́ние грехо́в». Благодаря́ще Милостиваго Бо́га за милосе́рдие Его́ к нам неизрече́нное, пое́м Ему́: Аллилу́иа.
Но́вое зна́мение ми́лости Своея́ яви́ Госпо́дь ученико́м Свои́м, обеща́я им посла́ти ина́го Уте́шителя — Ду́ха и́стины, И́же от Отца́ исхо́дит, да свиде́тельствует о Нем. Тебе́ же, Матери Божией, па́ки освяще́нней Ду́хом Святы́м в день Пятидеся́тницы, вопие́м си́це:
Ра́дуйся, Ду́ха Свята́го обита́лище; ра́дуйся, черто́же всесвяты́й.
Ра́дуйся, простра́нное селе́ние Бо́га Сло́ва; ра́дуйся, Би́сер Боже́ственный произве́дшая.
Ра́дуйся, рождество́м Твои́м ра́йския две́ри нам отверза́ющая; ра́дуйся, зна́мение ми́лости Божией нам Собо́ю яви́вшая.
Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.
Стра́нно и приско́рбно нам слы́шати, я́ко лобза́нием предаде́ Учи́теля своего́ и Го́спода Иу́да Искарио́тский. Спи́ра же и ты́сящник и слуги́ архиере́йстии взя́ша Иису́са и связа́ша Его́, и ведо́ша к первосвяще́ннику А́нне пе́рвее, посе́м же к Каиа́фе архиере́ови. Ма́терь же Бо́жия, сме́ртнаго сове́та на Сы́на Своего́ возлю́бленнаго ожида́ющи, вопия́ше Бо́гу: Аллилу́иа.
Вси иуде́и ведо́ша Иису́са от Каиа́фы в прето́р к Пила́ту, глаго́люще Его́ злоде́я быти. Пила́т же вопроси́ Его́ и глаго́ла им, я́ко ни еди́ныя вины́ обре́те в Нем. Мы же Матери Божией, поноше́ния Сы́на Своего́ ви́дящей, уми́льно вопие́м:
Ра́дуйся, се́рдце го́рем истерза́нное име́вшая; ра́дуйся, сле́зы о Сы́не Свое́м пролива́вшая.
Ра́дуйся, Ча́до Свое́ люби́мое на суди́лище преда́нное зре́вшая; ра́дуйся, вся претерпе́вшая без ро́пота, я́ко раба́ Госпо́дня.
Ра́дуйся, стеня́щая и рыда́ющая; ра́дуйся, Цари́це небесе́ и земли́, прие́млющая моли́твы раб Свои́х.
Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.
Вси ро́ди блажа́т Тя, честне́йшую Херуви́м и сла́внейшую без сравне́ния Серафи́м, Влады́чицу и Ма́терь Изба́вителя на́шего, рождество́м Свои́м ра́дость всему́ ми́ру прине́сшую, последи́ же скорбь ве́лию име́вшую, ви́дящи Сы́на Своего́ возлю́бленнаго на поруга́ние, бие́ние и смерть пре́даннаго. Мы же умиле́нное пе́ние прино́сим Ти, Пречи́стая, вопию́ще Всемогу́щему Бо́гу: Аллилу́иа.
Вити́и многовеща́ннии не возмо́гут изрещи́ всех страда́ний, Тобо́ю пренесе́нных, Спа́се наш, егда́ во́ини, спле́тше вене́ц из те́рния и возложи́вше на главу́ Твою́, и в ри́зу багря́ну обле́кше Тя, глаго́лаху: «Ра́дуйся, Царю́ Иуде́йский», и бия́ху Тя по лани́тома. Мы же, Ма́ти Бо́жия, страда́ния Твоя́ познава́юще, вопие́м Ти:
Ра́дуйся, Сы́на Своего́ бие́ннаго зре́вшая; ра́дуйся, багряни́цею и терно́вым венце́м оде́яннаго зре́вшая.
Ра́дуйся, Его́же мле́ком Свои́м пита́ла еси́, терза́емаго ви́девшая; ра́дуйся, страда́нием Его́ спострада́вшая.
Ра́дуйся, все́ми ученики́ Его́ оста́вленнаго ви́девшая; ра́дуйся, непра́ведными судия́ми Его́ осужде́ннаго зре́вшая.
Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.
Спасти́ хотя́ Иису́са, рече́ Пила́т иуде́ем: «Есть же обы́чай вам, да еди́наго вам отпущу́ на Па́сху. Хо́щете ли у́бо, да отпущу́ вам Царя́ Иуде́йска?» Но вси возопи́ша, глаго́люще: «Не Сего́, но Вара́вву». Прославля́юще милосе́рдие Отца́ Небе́снаго, И́же та́ко возлюби́ мир, я́ко Сы́на Своего́ Единоро́днаго отда́л есть на кре́стную смерть, да искупи́т ны от ве́чныя сме́рти, вопие́м Ему́: Аллилу́иа.
Стена́ и огражде́ние бу́ди нам, Влады́чице, изнемога́ющим от ско́рби и боле́зни. Ты бо и Сама́ страда́ла еси́, слы́шащи иуде́ев, вопию́щих: «Распни́, распни́ Его́!» Ны́не же услы́ши нас, вопию́щих Ти:
Ра́дуйся, Ма́ти милосе́рдия, отъе́млющая вся́кую слезу́ от лю́те стра́ждущих; ра́дуйся, слезу́ умиле́ния нам подаю́щая.
Ра́дуйся, погиба́ющих гре́шников спаса́ющая; ра́дуйся, предста́тельство христиа́н непосты́дное.
Ра́дуйся, от страсте́й нас избавля́ющая; ра́дуйся, се́рдцу сокруше́нному отра́ду подаю́щая.
Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.
Пе́ние всеумиле́нное Спаси́телю ми́ра прино́сим, на во́льное страда́ние ше́дшему и крест Свой не́сшему. Во́ини же, прише́дше на Голго́фу, пропя́ша Его́. Стоя́ху при кресте́ Иису́сове Ма́ти Его́, и сестра́ Ма́тере Его́ — Мари́я Клео́пова, и Мари́я Магдали́на. Иису́с же, ви́дев Ма́терь и ученика́ стоя́ща, его́же любля́ше, глаго́ла Матери Свое́й: «Же́но, се сын Твой»; пото́м глаго́ла ученику́: «Се Ма́ти твоя́». И от того́ ча́са поя́т Ю учени́к во своя́ си. Ты же, Ма́ти Бо́жия, обезче́щенна ви́дящи на кресте́ Сы́на и Го́спода, терза́лася еси́, вопию́щи Бо́гу: Аллилу́иа.
Сы́не Мой и Бо́же Предве́чный, Тво́рче всех тва́рей, Го́споди! Ка́ко те́рпиши на кресте́ страсть, — Чи́стая Де́ва, пла́чущи, глаго́лаше. — О стра́шнем Твое́м Рождестве́, Сы́не Мой, па́че всех матере́й возвели́чена бых, но увы́ Мне: ны́не Тя ви́дящи, распаля́юся утро́бою». Мы же, сле́зы пролива́юще и Тебе́ вне́млюще, вопие́м Ти:
Ра́дуйся, ра́дости и весе́лия лише́нная; ра́дуйся, во́льная страда́ния Сы́на Твоего́ на кресте́ ви́девшая.
Ра́дуйся, Ча́до Свое́ возлю́бленное уязвле́нным зре́вшая; ра́дуйся, А́гнца, на закла́ние ведо́маго, Ма́ти.
Ра́дуйся, Изба́вителя язв душе́вных и теле́сных я́звами покры́таго ви́девшая; ра́дуйся, Сы́на Своего́ воскре́сшаго из ме́ртвых зре́вшая.
Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.
Благода́ть пода́ждь нам, Спа́се Всеми́лостивый, на Кресте́ дух Свой испусти́вый и согреше́ний на́ших рукописа́ние растерза́вый. «Се, све́те Мой сла́дкий, наде́ждо и животе́ Мой благи́й, Бо́же Мой, уга́сл еси́ на Кресте́», — Де́ва, стеня́щи, глаго́лаше. Потщи́ся, Ио́сифе, к Пила́ту приступи́ти и проси́ его́ сня́ти с дре́ва Учи́теля своего́ уязвле́ннаго: «Даждь ми Сего́ стра́ннаго, И́же не и́мать где главы́ преклони́ти». Богома́терь же, ви́девши Сы́на Своего́ безсла́вна, на́га на дре́ве, возопи́: «Увы́ Мне, Ча́до Мое́, увы́ Мне, све́те Мой, ду́шу про́йде Мне ору́жие по рече́нию праведнаго ста́рца Симео́на». Мы же, Пречи́стей Де́ве состра́ждуще, вопие́м Бо́гу: Аллилу́иа.
Пою́ще милосе́рдие Твое́, Человеколю́бче, покланя́емся бога́тству ми́лости Твоея́, Влады́ко. «Созда́ние Твое́ спасти́ хотя́, смерть подъя́л еси́, — рече́ Пречи́стая, — но Воскресе́нием Твои́м, Спа́се, поми́луй всех нас». Мы же Богоро́дице, о нас моля́щейся, вопие́м:
Ра́дуйся, ме́ртваго зря́щая, бездыха́нна Преблага́го Го́спода; ра́дуйся, лобза́вшая те́ло Сы́на Твоего́ возлю́бленнаго.
Ра́дуйся, Све́та Своего́ сла́дкаго на́га и уязвле́ннаго Мертвеца́ зре́вшая; ра́дуйся, Сы́на Своего́ гро́бу преда́вшая.
Ра́дуйся, плащани́цею но́вою те́ло Его́ обви́вшая; ра́дуйся, Воскресе́ние Его́ ви́девшая.
Ра́дуйся, многоско́рбная Ма́ти Бо́жия, печа́ль на́шу в ра́дость претворя́ющая и сердца́ злых челове́к умягча́ющая.
О Всепе́тая Ма́ти, изнемога́ющая от ско́рби у креста́ Сы́на Твоего́ и Бо́га! Внемли́ воздыха́нием и слеза́м на́шим, умягчи́ зла́я сердца́, востаю́щая на нас, изба́ви от ско́рби, боле́зней и ве́чныя сме́рти всех упова́ющих на неизрече́нное Твое́ милосе́рдие и вопию́щих Бо́гу: Аллилу́иа.
Этот кондак читается трижды, зате́м 1‑й икос «А́нгел возвести́ …» и 1‑й кондак «Избра́нной Де́ве Мари́и …».
О многоско́рбная Ма́ти Бо́жия, превы́шшая всех дще́рей земли́ по чистоте́ Свое́й и по мно́жеству страда́ний, Тобо́ю на земли́ пренесе́нных! Приими́ многоболе́зненныя воздыха́ния на́ша и сохрани́ нас под кро́вом Твоея́ ми́лости. Ина́го бо прибе́жища и теплаго предста́тельства, ра́зве Тебе́, не ве́мы, но, я́ко дерзнове́ние иму́щи ко И́же от Тебе́ Рожде́нному, помози́ и спаси́ ны моли́твами Свои́ми, да непреткнове́нно дости́гнем Ца́рствия Небе́снаго, иде́же со все́ми святы́ми бу́дем воспева́ти хвалу́ в Тро́ице Еди́ному Бо́гу, всегда́, ны́не, и при́сно, и во ве́ки веко́в. Ами́нь.
О, кто не ублажи́т Тя, Де́во Благода́тная, кто не воспое́т Твое́ милосе́рдие к ро́ду челове́ческому. Тебе́ мо́лимся, Тебя́ про́сим: не оста́ви нас, во зле погиба́ющих, раствори́ любо́вию сердца́ на́ша и ко врага́м на́шим пошли́ стрелу́ Свою́, да уязвля́ет сердца́ на́ша ми́ром к гоня́щим нас. А́ще мир нас ненави́дит — Ты простри́ любо́вь Свою́ к нам, а́ще мир нас го́нит — Ты приими́ нас. Пода́ждь нам Благода́тную си́лу терпе́ния — без ро́пота перенести́ испыта́ния, в ми́ре сем быва́емая.
О, Госпоже́! Умягчи́ сердца́ злых челове́ков, восстаю́щих на нас, да не поги́бнут сердца́ их во зле, но умоли́, Благода́тная, Сы́на Твоего́ и Бо́га на́шего, да умири́т сердца́ их ми́ром, диа́вол же — оте́ц зло́бы — да посрами́тся! Мы же, воспева́юще милосе́рдие Твое́ к нам, злым, непотре́бным, воспое́м Ти, о Пречу́дная Госпоже́, Де́во Благода́тная: услы́ши нас в час сей, сокруше́нная сердца́ иму́щих, огради́ нас ми́ром и любо́вию друг ко дру́гу и ко враго́м на́шим, искорени́ от нас вся́кую зло́бу и вражду́, да воспое́м Тебе́ и Сы́ну Твоему́, Го́споду Иису́су Христу́ на́шему: Аллилу́иа! Аллилу́иа! Аллилу́иа!
Велича́ем Тя, Пресвята́я Де́во, Богоизбра́нная Отрокови́це, и чтим о́браз Твой святы́й, и́мже то́чиши исцеле́ния всем с ве́рою притека́ющим.